Paşinyan Bakı ilə danışıqlar üzrə sənədlərin ilin sonuna qədər dərc olunma səbəbini açıqlayıb

Ermənistanın Baş naziri Nikol Paşinyan Azərbaycanla danışıqlar üzrə sənədlər paketinin ilin sonuna qədər dərc olunma səbəbini açıqlayıb.

"Report"un Ermənistan KİV-inə istinadən verdiyi məlumata görə, o, bunu brifinq zamanı bildirib.

Baş nazirin sözlərinə görə, bu, ATƏT-in Minsk qrupunun buraxılması ilə əlaqədardır.

"Proses başa çatdıqdan sonra biz bu sənədləri açıqlaya biləcəyik. O zaman bu sənədlərin dərc olunması üçün mənəvi və siyasi maneə aradan qaldırılacaq", - o qeyd edib.