"LUKOIL"un səhmləri "Carlyle" ilə razılaşma fonunda 3,5 %-ə qədər bahalaşıb

Rusiyanın "LUKOIL" səhmdar cəmiyyətinin (PSC) səhmləri Moskva birjasında ticarət sessiyası zamanı təxminən 3,5 % bahalaşıb.

"Report" xəbər verir ki, bunu ticarət məlumatları təsdiqləyir.

Səhmlərin dəyəri "LUKOIL"un xarici aktivlərinin satışı ilə bağlı ABŞ-nin "Carlyle" şirkəti ilə razılaşması fonunda artıb.

Səhər ticarət sessiyası zamanı şirkətin səhmləri 3,17 % bahalaşaraq bir səhm üçün 5 385 rubla çatıb. Daha sonra artım sürətlənərək bir qiymətli kağız üçün 5 401 rubla (+3,48 %) bərabər olub.