Azərbaycan və Qazaxıstan arasında hərbi əməkdaşlığın perspektivləri müzakirə edilib

Azərbaycanın müdafiə naziri Zakir Həsənovun Almatıda qazaxıstanlı həmkarı Dauren Kosanovla görüşündə ikitərəfli hərbi əməkdaşlığın perspektivləri müzakirə edilib.

"Report" Azərbaycan Müdafiə Nazirliyinə istinadən xəbər verir ki, nazirlər Bakı və Astana üçün qarşılıqlı maraq kəsb edən bir sıra müxtəlif məsələlərlə bağlı fikir mübadiləsi aparıblar.

"Tərəflər, həmçinin hərbi-texniki və hərbi-təhsil sahələrində əməkdaşlığın cari vəziyyətini müzakirə ediblər. Görüşdə Azərbaycan və Qazaxıstan arasında münasibətlərin dostluq və qardaşlıq bağlarına əsaslandığı qeyd olunub", - məlumatda vurğulanıb.