"Uşaq bağçalarında diqqət göstərdiyimiz əsas məsələ uşaqların davamiyyətidir ki, bu göstəricilər ümumilikdə qənaətbəxşdir".

Bunu "Report"un sualına cavab olaraq təhsil naziri Emin Əmrullayev deyib.

Nazir bildirib ki, uşaq bağçaları arasında yenə də problemli müəssisələr var: "Lakin bu gün həm də işçilərin işə davamiyyəti də gündəmdədir. Hazırda uşaq bağçaları ilə bağlı vahid məlumat sistemi yaratmağı planlaşdırırıq. Çünki belə sistem olmadıqda uşaq və müəllim sayını dəqiq bilmək çətinləşir. Düşünürəm ki, yaxın 2-3 ay ərzində proses bitəcək. Bundan sonra təhsil sistemində olduğu kimi bağçalara da uşaq qəbulu və işə qəbul şəffaflaşacaq və asanlaşacaq".

Bu gün II və III ixtisas qrupları üzrə ali təhsil müəssisələrinə qəbul imtahanı keçirilib.

“Report”un Xankəndiyə ezan olunan əməkdaşı xəbər verir ki, bu gün həmçinin Xankəndi şəhərində də qəbul imtahanı baş tutub.

Qarabağ Universitetində keçirilən imtahanda Xankəndi, Xocalı, Ağdərə, Şuşa və Laçında məskunlaşmış abituriyentlər iştirak ediblər.

Bununla yanaşı, Füzulidə M.Uluqbəy adına məktəbin, Cəbrayılda M.Mehdizadə adına məktəbin və Zəngilanda Ağalı kənd tam orta məktəbinin cari il məzunları da qəbul imtahanlarını Xankəndidə veriblər. İmtahanda ümumilikdə 51 abituriyent iştirak edib.

Bu gün II və III ixtisas qrupları üzrə ali təhsil müəssisələrinə qəbul imtahanı keçirilir.

“Report”un Xankəndiyə ezan olunan əməkdaşı xəbər verir ki, bu gün həmçinin Xankəndi şəhərində də qəbul imtahanı baş tutub.

Belə ki, bu işğaldan azad edilən bölgələrdə keçirilən ilk qəbul imtahanıdır.

İmtahanlar Qarabağ Universitetində təşkil olunub. 

İmtahanlarda Xankəndi ilə yanaşı, Xocalı, Ağdərə, Şuşa və Laçında məskunlaşmış abituriyentlər iştirak ediblər. Bununla yanaşı, Füzulidə M.Uluqbəy adına məktəbin, Cəbrayılda M.Mehdizadə adına məktəbin və Zəngilanda Ağalı kənd tam orta məktəbinin cari il məzunları da qəbul imtahanlarını Xankəndi şəhərində veriblər. 

İmtahanda 51 abituriyentin iştirakı nəzərdə tutulub. Həmin abituriyentlərdən 23-ü oğlan, 28-i isə qızdır. 

İmtahanın idarə olunmasına 1 imtahan rəhbəri, 5 nəzarətçi və 1 bina nümayəndəsi cəlb olunub.

Xatırladaq ki, Dövlət İmtahan Mərkəzi 2023-cü ildən etibarən işğaldan azad olunan bölgələrdə ümumi və tam orta təhsil səviyyələri üzrə buraxılış imtahanlarının keçirilməsinə başlayıb. İlk buraxılış imtahanı Zəngilan rayonu Ağalı kənd tam orta məktəbində keçirilib. Daha sonra Laçın (Laçın şəhər 2 nömrəli və Zabux kənd tam orta məktəbi), Füzuli (M.Uluqbəy adına 1 nömrəli məktəb) və Ağdərədə (Talış kənd tam orta məktəbi), 2025-ci ildə isə Şuşa (1 nömrəli tam orta məktəb), Xankəndi (4 nömrəli tam orta məktəb), Xocalı (1 nömrəli tam orta məktəb), Cəbrayıl (M.Mehdizadə adına tam orta məktəb) və Laçında (Sus kənd tam orta məktəbi) ilk dəfə buraxılış imtahanları keçirilib.

Bu gün 51 abituriyent Xankəndi şəhərində II və III ixtisas qrupları üzrə qəbul imtahanı verəcək.

"Report" xəbər verir ki, bu barədə Dövlət İmtahan Mərkəzi (DİM) məlumat yayıb.

Qeyd edək ki, bu işğaldan azad edilmiş bölgələrdə təşkil edilən ilk qəbul imtahanıdır.

Məlumata əsasən imtahan Qarabağ Universitetində keçiriləcək.

İmtahanda Xankəndi ilə yanaşı, Xocalı, Ağdərə, Şuşa və Laçında məskunlaşmış abituriyentlər iştirak edəcəklər. Bununla yanaşı, Füzulidə M.Uluqbəy adına məktəbin, Cəbrayılda M.Mehdizadə adına məktəbin və Zəngilanda Ağalı kənd tam orta məktəbinin cari il məzunları da qəbul imtahanlarını Xankəndidə verəcəklər.

Qeyd edək ki, imtahan sənədləri və şəxsiyyəti təsdiq edən sənədi təqdim etməklə abituriyentlər və onları müşayiət edəcək valideynlərinin Xankəndi şəhərinə səfərinə icazə verilir.

Foto: Vüqar Xanlarov

Dövlət İmtahan Mərkəzi tərəfindən bu gün II və III ixtisas qrupları üzrə ali təhsil müəssisələrinə qəbul imtahanı keçirilib.

Bu barədə "Report"a DİM-dən məlumat verilib.

Bildirilib ki, 7 nəfərdə mobil telefon, 2 nəfərdə isə “ağıllı” saat aşkarlandığı üçün imtahandan xaric olunub. Bundan əlavə, başqasının yerinə imtahana gəlmə halı da aşkar edilib.

Bu faktla bağlı xüsusi araşdırma aparılacaq və həm imtahanda iştirak etməli olan şəxs, eyni zamanda onun yerinə imtahana gələn şəxslə bağlı lazımı tədbirlər görüləcək. Xatırladaq ki, qayda pozuntularına yol verənlərin müsabiqə nəticələri ləğv olunur və onlar qəbul imtahanının ikinci cəhdinə də buraxılmırlar.

Dövlət İmtahan Mərkəzi tərəfindən bu gün II və III ixtisas qrupları üzrə ali təhsil müəssisələrinə qəbul imtahanı keçirilib. 

Bu barədə "Report"a DİM-dən məlumat verilib.

Bildirilib ki, imtahan Bakı, Xankəndi, Naxçıvan, Gəncə, Şəmkir, Ağstafa, Qazax, Sumqayıt, Abşeron, Şamaxı, Mingəçevir, Şəki, Zaqatala, Bərdə, Göyçay, Kürdəmir, Şirvan, Sabirabad, Salyan, Lənkəran, Cəlilabad, Masallı, Quba və Xaçmazda təşkil olunub.

Xankəndi şəhərində keçirilən imtahan işğaldan azad edilmiş bölgələrdə təşkil edilən ilk qəbul imtahanıdır. İmtahan Qarabağ Universitetində keçirilib. Bu imtahanda Xankəndi ilə yanaşı, Xocalı, Ağdərə, Şuşa və Laçında məskunlaşmış abituriyentlər iştirak ediblər. Bununla yanaşı, Füzulidə M.Uluqbəy adına məktəbin, Cəbrayılda M.Mehdizadə adına məktəbin və Zəngilanda Ağalı kənd tam orta məktəbinin cari il məzunları da qəbul imtahanlarını Xankəndidə veriblər.

İmtahan keçirilən şəhər və rayonlarda ümumilikdə 213 imtahan binası, 4018 imtahan zalı ayrılıb. İmtahanların idarə olunmasına 213 ümumi imtahan rəhbəri, 635 imtahan rəhbəri, 5014 nəzarətçi, 717 buraxılış rejimi əməkdaşı, 213 bina nümayəndəsi cəlb olunub.

İmtahan prosesinin idarə olunması üçün DİM-də operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahanın gedişi nəzarətdə olub. Bütün binalarda imtahan təlimata uyğun şəkildə keçirilib, iştirakçılara öz bilik səviyyələrini nümayiş etdirmələri üçün zəruri şərait yaradılıb.

İlkin məlumatlara əsasən, 7 nəfərdə mobil telefon, 2 nəfərdə isə “ağıllı” saat aşkarlandığı üçün imtahandan xaric olunub. Bundan əlavə, başqasının yerinə imtahana gəlmə halı da aşkar edilib. Bu faktla bağlı xüsusi araşdırma aparılacaq və həm imtahanda iştirak etməli olan şəxs, eyni zamanda onun yerinə imtahana gələn şəxslə bağlı lazımı tədbirlər görüləcək. Xatırladaq ki, qayda pozuntularına yol verənlərin müsabiqə nəticələri ləğv olunur və onlar qəbul imtahanının ikinci cəhdinə də buraxılmırlar.

İmtahanda 54247 abituriyentin iştirakı nəzərdə tutulurdu.

İmtahanda 73 nəfər sağlamlıq imkanları məhdud (gözdən əlil, serebral iflic, eşitmə əngəlli və digər) abituriyentlər də iştirak edib. Onların rahat şəkildə imtahan verməsi üçün imtahan binalarında xüsusi zallar ayrılıb, orqanizmin funksiyalarının 81-100 faiz pozulmasına görə gözdən əlilliyi müəyyən edilmiş şəxslərə isə fərdi nəzarətçilər təyin edilib. Hərəkət məhdudiyyətli abituriyentlərin bina və zala daxil olması və hərəkəti üçün də şərait yaradılıb. Bundan əlavə, sağlamlıq imkanları məhdud iştirakçılar üçün ayrılan nəzarətçilərlə xüsusi təlim keçirilib.

Bu gün saat 15:00-da DİM-in “Youtube” kanalı vasitəsilə canlı yayım ediləcək və Mərkəzin məsul əməkdaşları, ekspertlər tərəfindən imtahanlarda istifadə olunmuş test tapşırıqları ilə bağlı geniş izahat veriləcək, həmçinin qapalı və kodlaşdırıla bilən açıq tipli tapşırıqların düzgün cavabları təqdim olunacaq.

Abituriyentlər suallarını “Youtube”da yerləşdirilən müvafiq linkin altına yaza bilərlər.

Mayın 26-dan etibarən DİM-də imtahan protokolları və materialların emalına başlanılacaq.

İmtahanlarda istifadə olunan açıq tipli tapşırıqların yoxlanılması vaxt tələb etdiyindən nəticələrin yaxın 16-17 gündən sonra elan olunması nəzərdə tutulur.

Növbəti qəbul imtahanlarında iştirak edəcək abituriyentlərin bir daha nəzərinə çatdırırıq ki, sənədlərlə (şəxsiyyət vəsiqəsinin əsli və buraxılış vərəqəsi) bağlı diqqətli olsunlar. Bundan əlavə, imtahan saat 10:00-da başlanır. İmtahanın başlanmasına 15 dəqiqə qalmış – saat 09:45-də buraxılış rejimi başa çatır və bundan sonra gələn iştirakçılar imtahan binasına buraxılmırlar.

İştirakçıların imtahan binasına rahat şəkildə daxil olması üçün binaya müxtəlif gəlmə vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək tövsiyə olunur.

Dövlət İmtahan Mərkəzi tərəfindən bu gün II və III ixtisas qrupları üzrə ali təhsil müəssisələrinə qəbul imtahanı keçiriləcək.

Bu barədə "Report"a DİM-dən məlumat verilib.

Bildirilib ki, imtahanlar Bakı, Xankəndi, Naxçıvan, Gəncə, Şəmkir, Ağstafa, Qazax, Sumqayıt, Abşeron, Şamaxı, Mingəçevir, Şəki, Zaqatala, Bərdə, Göyçay, Kürdəmir, Şirvan, Sabirabad, Salyan, Lənkəran, Cəlilabad, Masallı, Quba və Xaçmazda təşkil olunacaq.

Xankəndi şəhərində keçiriləcək imtahan işğaldan azad edilmiş bölgələrdə təşkil edilən ilk qəbul imtahanıdır. İmtahan Qarabağ Universitetində keçiriləcək. Bu imtahanda Xankəndi ilə yanaşı, Xocalı, Ağdərə, Şuşa və Laçında məskunlaşmış abituriyentlər iştirak edəcəklər. Bununla yanaşı, Füzulidə M.Uluqbəy adına məktəbin, Cəbrayılda M.Mehdizadə adına məktəbin və Zəngilanda Ağalı kənd tam orta məktəbinin cari il məzunları da qəbul imtahanlarını Xankəndidə verəcəklər. İmtahanda 51 abituriyentin iştirakı nəzərdə tutulur. Qeyd edək ki, imtahan sənədləri və şəxsiyyəti təsdiq edən sənədi təqdim etməklə abituriyentlər və onları müşayiət edəcək valideynlərinin Xankəndi şəhərinə səfərinə icazə verilir.

İştirakçılar mayın 14-dən etibarən Dövlət İmtahan Mərkəzinin saytında "İmtahana buraxılış vərəqəsi"ni çap edə biliblər.

“İmtahana buraxılış vərəqəsi”ndə imtahanın keçiriləcəyi tarix, şəhər (rayon), bina, zal, başlanma vaxtı və abituriyentin imtahan binasına gəlmə vaxtı və s. məlumatlar qeyd olunub.

Abituriyentlərin bir daha nəzərinə çatdırılır ki, imtahan saat 10:00-da başlanır.

İmtahanın başlanmasına 15 dəqiqə qalmış – saat 09:45-də buraxılış rejimi başa çatır və bundan sonra gələn iştirakçılar imtahan binasına buraxılmırlar.

İştirakçıların imtahan binasına rahat şəkildə daxil olması üçün binaya müxtəlif gəlmə vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək tövsiyə olunur.

Abituriyentlər imtahana aşağıdakı sənədləri gətirməlidirlər:

- İmtahana buraxılış vərəqəsi;

- Şəxsiyyəti təsdiq edən sənədin əsli.

a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;

b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).

İmtahan keçirilən şəhər və rayonlarda ümumilikdə 213 imtahan binası, 4 018 imtahan zalı ayrılıb. İmtahanların idarə olunmasına 213 ümumi imtahan rəhbəri, 635 imtahan rəhbəri, 5 014 nəzarətçi, 717 buraxılış rejimi əməkdaşı, 213 bina nümayəndəsi cəlb olunub.

II ixtisas qrupu üzrə imtahanda 25 961, III ixtisas qrupu üzrə imtahanda isə 28 286 nəfər olmaqla, ümumilikdə 54 247 abituriyentin iştirakı nəzərdə tutulur.

İmtahanda 73 nəfər sağlamlıq imkanları məhdud (gözdən əlil, serebral iflic, eşitmə əngəlli və digər) abituriyentlər də iştirak edəcək. Onların rahat şəkildə imtahan verməsi üçün imtahan binalarında xüsusi zallar ayrılıb, orqanizmin funksiyalarının 81-100 faiz pozulmasına görə gözdən əlilliyi müəyyən edilmiş şəxslərə isə fərdi nəzarətçilər təyin edilib. Hərəkət məhdudiyyətli abituriyentlərin bina və zala daxil olması və hərəkəti üçün də şərait yaradılıb. Bundan əlavə, sağlamlıq imkanları məhdud iştirakçılar üçün ayrılan nəzarətçilərlə xüsusi təlim keçirilib.

Hazırda qeyd olunan şəhər və rayonlarda imtahanlarda iştirak edəcək digər nəzarətçilər, imtahan rəhbərləri, mühafizə əməkdaşları ilə təlim-seminarlar keçirilir. Bütün imtahan binalarına baxış keçirilir, imtahan zallarında abituriyentlərin rahat şəkildə imtahan verməsi üçün zəruri şərait yaradılır. Təhlükəsizliyin təmin edilməsi məqsədilə imtahan mərkəzlərinə mayın 24-də təkrar baxış keçiriləcək və imtahan zalları, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarının mühafizəsinə veriləcək.

İmtahanların gedişini işıqlandırmaq üçün 45 KİV nümayəndəsi DİM-də akkreditasiyadan keçib.

İlk dəfə Xankəndi şəhəri Qarabağ Universitetində keçirilən qəbul imtahanı zamanı hər hansı qayda pozuntusuna rast gəlinməyib.

Bunu "Report"un Xankəndiyə ezam olunan əməkdaşına açıqlamasında Dövlət İmtahan Mərkəzinin nümayəndəsi Aliyə Əliyeva deyib.

DİM rəsmisi qeyd edib ki, abituriyentlərin imtahanda iştirakı da qənaətbəxş olub. A.Əliyeva xatırladıb ki, bugünkü qəbul imtahanı işğaldan azad olunan ərazilərdə keçirilən ilk imtahandır:

"Qarabağ Universitetində 51 abituriyentin iştirakı nəzərdə tutulmuşdu və yalnız bir nəfər iştirak etməyib. Ümumilikdə ölkə üzrə bu gün 54 247 nəfərin II və III ixtisas qrupuna qəbul imtahanında iştirakı nəzərdə tutulmuşdu".

İlk dəfə Xankəndi şəhərində Qarabağ Universitetində keçirilən qəbul imtahanı çox rahat keçdi.

Bunu "Report"un Xankəndiyə ezam olunan əməkdaşına açıqlamasında III ixtisas qrupu üzrə imtahan verən abituriyent Aylin İbadova deyib.

Xankəndidə zabit kimi fəaliyyət göstərən hərbçinin yoldaşı olan A.İbadova bildirib ki, imtahan çox rahat keçdi, suallar asan idi:

"Ümumilikdə hər şey qaydasında idi. Bu səbəbdən imtahan nəticələrindən gözləntim yüksəkdir. Çox istərdim ki, imtahan verdiyim Qarabağ Universitetində də ali təhsilimi davam etdirim. Çünki burada tarix yazılıb, biz də ilk qəbul imtahanın iştirakçısıyıq. Mən də bu tarixin bir parçası olmaq istəyərəm. Burada təhsil almaq mənim üçün fəxr hissi olar".

Naxçıvanda şagirdlər arasında “Qərbi Azərbaycana qayıdış” olimpiadasının yarımfinal turu baş tutub.

"Report"un yerli bürosunun məlumatına görə, mayın 24-də Naxçıvan Muxtar Respublikası (MR) ümumitəhsil məktəblərinin IX- X sinif şagirdləri arasında “Qərbi Azərbaycana qayıdış” olimpiadasının yarımfinal turu keçirilib.

Naxçıvan şəhər 17 nömrəli tam orta məktəbdə keçirilən olimpiadada rayon-şəhər mərhələsində qalib olan 72 şagird iştirak edib və məktəblilərə qapalı test formatında 25 sual təqdim olunub, sualların cavablandırılması üçün 70 dəqiqə vaxt ayrılıb.

Qeyd edək ki, olimpiada 3 mərhələdən ibarət keçirilməsi nəzərdə tutulub. Bu mərhələnin nəticələri əsasında olimpiadanın finalında iştirak edəcək şagirdlər müəyyən olunacaq. Olimpiadanın final mərhələsi iyun ayında Bakıda keçiriləcək.

Olimpiada Elm və Təhsil Nazirliyi, Təhsil İnstitutu, Məktəbəqədər və Ümumi Təhsil üzrə Dövlət Agentliyi və Qərbi Azərbaycan İcmasının (QAİ) birgə tərəfdaşlığı ilə təşkil olunur. 

Olimpiadanın təşkilində məqsəd şagirdlər arasında Qərbi Azərbaycanın tarixi, coğrafiyası, mədəniyyəti, ədəbiyyatı, görkəmli ictimai xadimləri, tarixi şəxsiyyətləri, toponimləri, folkloru haqqında maarifləndirmə işlərini aparmaq və biliklərin dərindən öyrənilməsini təmin etməkdir.

Bu gün “UniDestin” Təhsil Mərkəzinə ibtidai və orta təhsil alan şagirdlər və onların valideynləri dəvət olunub.

“UniDestin” Təhsil Mərkəzinin meneceri Ülviyyə Hüseynova “Report”a açıqlamasında bildirib ki, bu dəvətin təşkilində əsas məqsəd tələbələri uşaq yaşdan tanımaq, potensialına bələd olmaq, birgə böyüməkdir.

“Xaricdə təhsil almaq istəyən tələbələrə uşaq yaşlardan dəstək olmaq önəmlidir. Bu səbəbdən mərkəzdə azyaşlılar üçün dil və texniki fənlər üzrə kurslar fəaliyyət göstərir. Birinci sinifdən on birinci sinfədək şagirdlər müraciət edə bilərlər. Bununla yanaşı fizika, kimya biologiya fənnlərinin ingilis dilində tədrisinə də başlamağı planlayırıq”, - Ü.Hüseynova bildirib.

Onun sözlərinə görə, alman, çin, fransız dili müəllimləri də təhsil mərkəzinə cəlb ediləcək və yaxın zamanda bu dillərin tədrisinə başlanılacaq:

“Biz keyfiyyətli təhsil verməyin tərəfdarıyıq. Elə buna görə də xaricdə təhsil almış müəllimləri cəlb etmişik. Bilirik ki, ibtidai sinifdən bizimlə işləyən uşaqlar gələcəkdə ixtisas və ölkə seçimində daha düzgün qərar vermə potensialına malik olacaq. Bununla yanaşı biz də onları özümüz yetişdirdiyimiz üçün daha rahat yol göstərib, seçdiyi universitet və ölkə mövzusunda düzgün “xəritəni” çizə bilirik. Beləliklə də həmin tələbələrin yaxşı nəticələr əldə etmək şansı daha yüksək olur”.

Qeyd edək ki, “UniDestin” xaricdə təhsillə yanaşı, tələbələrin “SAT”, “TOEFL”, “IELTS” imtahanlarından uğurla keçməsini və müvafiq sertifikatların təqdim olunmasını da öhdəsinə götürüb. Şirkət dünyanın müxtəlif ölkələrində bakalavr, magistratura və doktorantura səviyyələri üzrə qəbul proseslərini həyata keçirir.

Ümumi (9 illik) orta təhsil səviyyəsi üzrə 2025-ci il aprelin 13-də keçirilən buraxılış imtahanının nəticələri elan olunub.

Bu barədə "Report"a Dövlət İmtahan Mərkəzindən məlumat verilib.

Bildirilib ki, imtahanda iştirak edən 9-cu sinif şagirdləri verilmiş keçidə (https://eservices.dim.gov.az/2025/netorta) daxil olaraq iş nömrəsi və şəxsiyyəti təsdiq edən sənədin nömrəsindən (və ya FİN kodundan) istifadə etməklə öz imtahan nəticələri, cavab vərəqinin qrafik təsviri ilə tanış ola bilərlər. İmtahan iştirakçıları iş nömrələrini buradan öyrənə bilərlər.

Şagirdlər imtahan nəticələri haqqında məlumatı (hər fənn üzrə ümumi balı) mobil operatorlar (“Azercell”, “Bakcell”, “Nar”, “Naxtel”) vasitəsilə bu imtahan üçün nəzərdə tutulan buraxılış vərəqəsində göstərilən kodu 7727 nömrəsinə göndərməklə də öyrənə bilərlər.

Yazı işlərinin (açıq tipli tapşırıqların cavabları) yoxlanılması prosesi onlayn şəkildə həyata keçirilib. Belə ki, hər marker yoxlama prosesinə öz evindən qoşularaq proqramın onun kompüterinə təsadüfi göndərdiyi işləri yoxlayıb. Qeyd edək ki, onlayn (evdən) yoxlama prosesində üztanıma texnologiyası tətbiq edilib və yoxlama prosesinin bütün tələblərinə (meyarların təkmilləşdirilməsi, işlərin şifrələnməsi, markerlərin hər tapşırıq üzrə yoxlamadan əvvəl kalibrləmədə iştirak etməsi, yoxlama ərzində "seeding" (markerlərə sayıqlığı itirməmək üçün əvvəlcədən hazırlanan və kalibrə edilən sualların mütəmadi olaraq göndərilməsi) prosesinin tətbiqi, işlərin markerlərə proqram tərəfindən təsadüfi göndərilməsi, imtahan protokollarının araşdırılması və s.) əməl olunub.

Yazı işlərinin onlayn yoxlanılması üçün proqram təminatı Dövlət İmtahan Mərkəzinin mütəxəssisləri tərəfindən hazırlanıb.

Bu imtahanda iştirakı nəzərdə tutulan 51237 nəfərdən 337 nəfər imtahana gəlməyib. Tələb olunan imtahan qaydalarını pozduğu üçün 6 nəfərin nəticəsi ləğv olunub.

İmtahan iştirakçıları arasında 8 nəfər (siyahı) maksimal olan 300 bal toplamaqla ən yüksək nəticəni göstərib.

İmtahan nəticələri ilə bağlı müraciətlərə baxılması üçün DİM-də Apellyasiya Komissiyası fəaliyyət göstərəcək. Apellyasiya Komissiyasına müraciət etmək istəyənlər 28 may saat 10:00-dan 30 may saat 17:00-dək tarixlərində DİM-in saytında yerləşdiriləcək elektron ərizəni doldurmaqla qeydiyyatdan keçə bilərlər. Göstərilən müddət ərzində qeydiyyatdan keçməyənlər sonradan Apellyasiya Komissiyasına müraciət edə bilməyəcəklər. Elektron ərizədə haqqında müraciət edilən tapşırığın nömrəsi seçilməli, onunla bağlı müraciətin məzmunu yazılmalı və meyarın hansı bəndinə uyğun hesab edildiyi göstərilməlidir. Elektron ərizədə müraciətin məzmunu qeyd olunmadığı halda ərizə qəbul edilmir və həmin müraciət araşdırılmır. Apellyasiya prosesi aşağıdakı ardıcıllıqla aparılır:

Apellyasiya Komissiyası tərəfindən haqqında müraciət olunan bütün işlər araşdırılır;

Şagirdlərin müraciət etdikləri tapşırıqlar üzrə ekspert rəyi (yazılı şəkildə) apellyasiya ərizələrinə əlavə edilir;

Şagirdlərin apellyasiya ərizələrində qeyd etdikləri telefon nömrəsinə apellyasiya prosesinin başa çatması ilə bağlı “sms” göndərilir.

Bundan sonra şagirdlər apelyasiya.dim.gov.az saytında ərizələrinə daxil olaraq apellyasiyanın nəticəsi ilə tanış ola və ekspert rəyini oradan çap edə bilərlər.

Cavab vərəqində təlimata uyğun olmayan formada qeyd olunmuş cavablar, o cümlədən cavabın optik qurğu tərəfindən səhv kimi nəzərə alınması ilə nəticələnən düzəlişlərlə (məsələn qapalı sualda iki dairənin qaralanması və s.) bağlı müraciətlərə baxılmayacaq.

Apellyasiya Komissiyasına müraciət etməmişdən əvvəl şagirdlər DİM-in saytında, imtahan nəticələri ilə bağlı səhifədə öz nəticələri, cavab vərəqinin qrafik təsviri, hər bir açıq tipli tapşırıq üzrə qiymətləndirmə meyarları ilə tanış ola bilərlər. Ötən imtahanların təcrübəsi göstərir ki, apellyasiya üçün ərizə yazanların təqribən 15%-i ümumiyyətlə tapşırığa cavab verməyib və ya öz cavabı ilə mümkün doğru cavabları, qiymətləndirmə şkalasını müqayisə edib tanış olmadan komissiyaya müraciət ediblər. Abituriyentlərin nəzərinə çatdırırıq ki, bu tip müraciətlərə baxılmayacaq.

“UniDestin” Tədris Mərkəzini digər xaricdə təhsil mərkəzlərindən fərqləndirən əsas cəhət tam xidmət modelidir. Mərkəzin işi tələbəni xaricə göndərməklə bitmir, əksinə iş ondan sonra başlayır.

Bunu “Report”a açıqlamasında “UniDestin” Tədris Mərkəzinin meneceri Ülviyyə Hüseynova deyib.

Onun sözlərinə görə, tədris mərkəzində əsas məqsəd etibarlı imic yaratmaq və onu qoruyub saxlamaqdır:

“İndiki gənclər, tələbələr hətta yeniyetmələr xaricdə təcrübəyə can atırlar. Xaricdə təcrübənin yolu isə xaricdə təhsildən keçir. Bunu nəzərə alaraq Azərbaycanda xaricdə təhsil, özünüinkişaf, karyera yüksəlişi sahəsində yeni istiqamətləri, innovativ təklifləri və uzunmüddətli dayanıqlığı özündə ehtiva edən “UniDestin” Tədris Mərkəzini yaratmaq qərarına gəldik. Artıq gənclər təhsil səviyyəsində müəyyən yerə gəldikdən sonra ixtisaslaşmaq istəyirlər. Bunun üçün biz onlara ixtisasartırma, təcrübə proqramları da təklif edirik”.

Tədris Mərkəzinin meneceri bütün Qərb və Avropa ölkələri ilə əməkdaşlıq edildiyini və Asiya ölkələri ilə də əməkdaşlığın genişləndiriləcəyini qeyd edib:

“Tələbələr arasında Asiya ölkələrinə marağın çox olduğunu və hətta bu ölkələrin dilinə artan marağı da nəzərə alaraq Çin, Koreya, Yaponiya universitetlərilə də əməkdaşlıq edilir və gələcək üçün genişləndirməyi düşünürük. Demək olar ki, dünyanın bütün aparıcı dövlət və proqramlarını araşdıraraq seçim edirik. Hansı ölkədə hansı sahələrin prioritet olduğunu nəzərə alıb tələbələri həmin ölkələrə göndərməyə çalışırıq”.

Ü.Hüseynova bildirilib ki, valideynin güvənini qazanmaq çox önəmlidir:

“Bizim prioritetimiz ailə ilə birgə çalışmaqdır. Bu səbəbdən biz tələbənin xaricdə təhsil prosesini başdan sonra izləyirik. Tələbənin getdiyi ölkənin və universitetin təhlükəsizliyi həm ailə, həm də bizim üçün önəmlidir. Çünki valideynlərin övladları üçün çalışdığını və onları yaxşı yerlərə göndərmək istədiklərini bilirik. Bu səbəbdən tədris planlamasını üç tərəfli həyata keçirməyə çalışırıq: ailə, tələbə və tədris mərkəzi”.

Menecerin sözlərinə görə, “UniDestin” Tədris Mərkəzi buradan yararlanan tələbələrə dil hazırlığı kurslarında da endirimlər də təklif edir:

“Ailə və tələbə ilə birgə tədris planlamasından sonra tələbənin maraqlarına, maliyyə imkanlarına, ortalama nəticələrinə uyğun bir neçə təklif irəli sürürük. Peşəkar dil mütəxəssislərinin iştirakı ilə dil kurslarımız da fəaliyyət göstərir. Onlara təhsil alacağı ölkənin dili ilə yanaşı, gündəlik həyatı, ab-havası, coğrafi mövqeyi, nəqliyyat sistemi və s. kimi detallarla bağlı məlumat verilir. Bəzi tələbələr olur ki, gəlib hansısa ölkəni istədiyini deyir amma biz həmin dərəcənin başqa yerlərdə yüksək olduğunu görüb ona alternativ təkliflər irəli sürürük. Tələbənin seçdiyi universitetlə də əlaqə yaradıb ona uyğun təcrübə proqramının olub olmaması barədə danışıqlar aparırıq. Əgər varsa, tələbəni yönləndiririk. İmtahanlarda da üzləşdikləri çətinliklərdə bacardığımız qədər dəstək oluruq”.

Ü.Hüseynova xaricdə təhsil almaq istəyən gənclərə bəzi müraciətlər də edib:

Ülviyyə Hüseynova

“Gənclərə məsləhətim budur ki, proqram seçəndə birlikdə seçək. Çünki hazırda yenilənmiş proqramlar çoxdur. Biz də tələbəyə daha yaxşı seçimi edə bilməsi üçün təkliflər irəli sürürük və proqnoz veririk ki, hansı ixtisaslar gələcək üçün faydalı ola bilər. Çalışırıq ki, tələbə ixtisas seçimi edərkən karyeraya bağlanma mərhələsini də tapa bilsinlər. Bizim proqnozlarımız da istinadlara əsaslanır. Məqalələri və təhsillə bağlı xəbərləri izləyib araşdırırıq. Bütün bunların əsasında gələcək üçün müəyyən proqnoz və təkliflər irəli sürürük”.

Foto: Zaur Mustafayev

Məktəbəqədər təhsil müəssisələrinə elektron sənəd qəbulu sistemi üzrə növbələrin yaradılması müvəqqəti dayandırılıb.

Bu barədə "Report"a Məktəbəqədər və Ümumi Təhsil üzrə Dövlət Agentliyindən (MÜTDA) məlumat verilib.

Bildirilib ki, 2025-2026-cı tədris ili üzrə məktəbəqədər təhsil müəssisələrinə uşaqların elektron qeydiyyatına hazırlıq ilə əlaqədar olaraq bu gün saat 15:00-dan etibarən qəbul sistemi (bq.edu.az) üzrə növbələrin yaradılması müvəqqəti dayandırıldı.

Növbəti tədris ili üçün məktəbəqədər təhsil müəssisələrinə qəbul ilə bağlı geniş məlumat yaxın zamanda ictimaiyyətə təqdim ediləcək.

Aprelin 13-də baş tutan 9-cu siniflərin buraxılış imtahanın nəticələri bu gün açıqlana bilər.

"Report" xəbər verir ki, bu barədə Dövlət İmtahan Mərkəzinin İdarə Heyətinin sədri Məleykə Abbaszadə məlumat verib.

“Proses esselərin yoxlanılmasına görə yubanıb, amma mənə məlumat verilib ki, bu gün yekunlaşacaq” - M.Abbaszadə bildirib.

Lənkəran Dövlət Universitetində (LDU) Azad Mirzəcanzadə İnkişaf Proqramı çərçivəsində panel müzakirələr təşkil olunub.

"Report" xəbər verir ki, "Kreativ və innovativ təfəkkürü necə formalaşdırmalı?" mövzusunda keçirilən müzakirələrdə 120-dən çox tələbə iştirak edib.

Panellərdə daha çox region universitetləri ilə təcrübə mübadiləsi müzakirə mövzusu olub.

Proqramın koordinatoru Leyla Seyidzadə Azad Mirzəcanzadə İnkişaf Proqramının əsas məqsədinin istedadlı və yaradıcı təfəkkürə malik şəxsləri aşkarlamaq və dəstəkləmək olduğunu bildirib.

Onun sözlərinə görə, proqram çərçivəsində müxtəlif diskussiyalar da təşkil olunur.

Qeyd edək ki, Azad Mirzəcanzadə İnkişaf Proqramı 18-35 yaş arası olan, cəmiyyətin inkişafına töhfə vermək arzusu və bu istiqamətdə real ideyaları olan Azərbaycan vətəndaşları üçün nəzərdə tutulub. Proqram çərçivəsində iştirakçıların tənqidi və yaradıcı düşüncə bacarıqları, liderlik keyfiyyətləri, eləcə də dəyişkən və çoxşaxəli mühitdə işləmək qabiliyyəti xüsusi önəm daşıyır.

Proqramın 2024-cü ildə başa çatan ilk mərhələsində altı qalib müəyyən olunub. Onların hər biri öz təşəbbüslərini reallaşdırmaq üçün həm maliyyə, həm də ekspert dəstəyi ilə təmin edilib.

“Yüksəliş” müsabiqəsi 2025-ci il "Beynəlxalq e-Assessment Mükafatları" müsabiqəsində finalçı elan olunaraq beynəlxalq səviyyədə mühüm uğura imza atıb.

"Report" xəbər verir ki, müsabiqədə finalçı statusu Azərbaycanın ilk növbədə kadr potensialının inkişafına, innovativ layihələrə verdiyi dəyərin və ölkədə tətbiq olunan yeni nəsil yanaşmaların dünya miqyasında tanındığını göstərir.

Müsabiqənin beynəlxalq platformalarda bu cür uğur qazanması isə gələcək inkişaf istiqamətləri üçün yeni imkanların qapısını açır.

Azərbaycan gənclər və idman nazirinin müavini, “Yüksəliş” müsabiqəsinin İşçi Qrupunun rəhbəri Fərhad Hacıyev bildirib: “Bu uğur Azərbaycan Respublikası Prezidentinin imzaladığı Sərəncamı icra etmək məqsədilə “Yüksəliş” müsabiqəsi tərəfindən yaradılan Kadr Ehtiyat Bankına daha peşəkar mütəxəssislərin cəlb edilməsi yolunda atılan əhəmiyyətli addımdır.”

Xatırladaq ki, 2025-ci ildə mükafat 13 kateqoriya üzrə təqdim olunacaq. Növbəti mərhələdə isə artıq hər kateqoriya üzrə qaliblər elan ediləcək.

İmtahan nəticələrinin yoxlanılması ilə bağlı süni intellektin elementlərindən istifadə olunur.

"Report" xəbər verir ki, bunu Dövlət İmtahan Mərkəzinin İdarə Heyətinin sədri Məleykə Abbaszadə ali təhsil müəssisələrinə qəbul imtahanlarının başlanması ilə əlaqədar keçirilən mətbuat konfransında deyib.

O bildirib ki, hər işdə süni intellektin tətbiqi mümkün deyil:

“Bu məsələdə addım-addım irəliləyirik. Müəyyən proseslərdə süni intellekt istifadə edilir, amma yoxlama prosesində yalnız süni intellektin tətbiqi barədə danışmaq tezdir”.

DİM sədri eyni zamanda təhsil ekpertlərini qiymətləndirmə prosesində iştirak etməyə dəvət edib:

"Qiymətləndirmə prosesində minlərlə müəllim iştirak edir, hər sualı 2 ekspert, bir yazı işini 20 nəfər yoxlayır. İki müəllimin qiyməti üst-üstə düşməyəndə yenidən yoxlanılır. Ümumilikdə proses çox mürəkəbdir. Bununla bağlı mediatur təşkil edəndə cəmi 2 ekspert gəlmişdi. Çünki onlar feysbukda çox məşğuldur”.

M.Abbaszadə həmçinin əlavə edib ki, gələn ildən əsası olmayan şikayətlərə baxılmayacaq:

"Çünki bu iş üçün resurslarımız istifadə olunur. Bu səbəbdən növbəti ildən şikayətlərə baxılma proseduru sərtləşdiriləcək. Ekspertlər də vicdanlı olmalıdır. Bilmirəm onlara ekspert adın kim verib, hansı ali təhsil müəssisəsini bitirib, ümumiyyətlə hər hansı beynəlxalq layihədə iştirak edibmi? Müəyyən qruplar var ki, məşhurlaşmaq üçün belə çıxışlar edir”.

İmtahana gizli telefon keçirilməsinə görə növbəti dəfə xəbərdarlıq edilib.

"Report" xəbər verir ki, bunu Dövlət İmtahan Mərkəzi (DİM) İdarə Heyətinin sədri Məleykə Abbaszadə ali təhsil müəssisələrinə qəbul imtahanlarının başlanması ilə əlaqədar keçirilən mətbuat konfransında deyib.

DİM sədri bildirib ki, qayda pozuntularına yol verən şəxslərin bütün nəticələri ləğv olunur, onlar ali və ya orta ixtisas təhsili müəssisələrinin müsabiqəsində iştirak etmək şanslarını itirirlər:

“Yəni qayda pozuntusuna yol verənlər qəbul imtahanlarının ikinci cəhdinə də buraxılmırlar, həmçinin onlar birinci mərhələnin (buraxılış imtahanının) nəticəsinə əsasən V ixtisas qrupunun müsabiqəsində iştirak hüququnu itirirlər”.

2025/2026-cı tədris ili üçün ali təhsil müəssisələrinə tələbə qəbulu üçün 60 min 489 plan yeri ayrılıb.

"Report" xəbər verir ki, bunu Dövlət İmtahan Mərkəzinin İdarə Heyətinin sədri Məleykə Abbaszadə ali təhsil müəssisələrinə qəbul imtahanlarının başlanması ilə əlaqədar keçirilən mətbuat konfransında deyib.

O bildirib ki, ötən illə müqayisədə plan yerləri 2.21% (1309 yer) artırılıb:

“Plan yerlərinin 28 min 401-i dövlət sifarişlidir. Dövlət sifarişli yerlərin sayı ötən illə müqayisədə 2.04% və ya 568 yer artıb. Ali təhsil müəssisələrinə qəbul olmaq üçün müsabiqə şərtlərində hər hansı dəyişiklik nəzərdə tutulmur və ötən illərdə olduğu kimi, ümumi 200, imtahanın ikinci mərhələsində 100 (bəzi ixtisaslar üzrə ümumi 150 və ikinci mərhələ üçün 50) bal toplayanlar ixtisas seçimində iştirak edə biləcəklər.Plan yerləri hər qrupda fərqlidir. Bu il üçün I ixtisas qrupunda 455, II qrupda 388, III qrupda 124, IV qrupda isə 114, ümumiikdə 1 309 yer artım olub". 

M.Abbaszadə eyni zamanda bu il keçirilən tam (11 illik) orta təhsil səviyyəsi üzrə buraxılış imtahanları haqqında danışan sədr ötən illə müqayisədə nəticələrin bir-birinə uyğun olduğunu vurğulayıb:

“2025-ci ildə imtahanda iştirak edən orta statistik şagirdin balı 132.33, 2024-cü ildə isə 132.09 olub. Qeyd edək ki, bu mərhələdə toplanıla biləcək maksimal bal 300-dür”.

Bu həftəsonu keçiriləcək imtahanlarda ötən illə müqayisədə təqribən 7 min çox iştirakçı var.

"Report" xəbər verir ki, bunu Dövlət İmtahan Mərkəzi (DİM) İdarə Heyətinin sədri Məleykə Abbaszadə ali təhsil müəssisələrinə qəbul imtahanlarının başlanması ilə əlaqədar keçirilən mətbuat konfransında deyib.

İmtahan keçirilən şəhər və rayonlara toxunan sədr onların sayının daim artırılmasına diqqət yetirildiyini söyləyib.

Bu il ali təhsil müəssisələrinə qəbul olmaq üçün qeydiyyatdan keçən abituriyentlərin sayı 130 mindən artıqdır.

"Report" xəbər verir ki, bunu Dövlət İmtahan Mərkəzinin İdarə Heyətinin sədri Məleykə Abbaszadə ali təhsil müəssisələrinə qəbul imtahanlarının başlanması ilə əlaqədar keçirilən mətbuat konfransında deyib.

O bildirib ki, ötən illə müqayisədə ərizələrin sayında təqribən 12 min artım var:

“Bu, ilk növbədə 2025-ci ildə məzun olan abituriyentlərin sayının çoxluğu ilə bağlıdır. Builki buraxılış imtahanlarında 116 mindən çox şagird iştirak edib".

Bakıda üç məktəb direktorunun əmək müqaviləsinə xitam verilib.

“Report” xəbər verir ki, bu barədə Bakı Şəhəri üzrə Təhsil İdarəsindən bildirilib.

Qeyd olunub ki, paytaxtdakı ümumi təhsil müəssisələrində məktəb idarəetməsi, tədrisin səmərəli təşkili, təhlükəsizlik və nizam-intizam qaydalarına əməl olunması və digər müvafiq istiqamətlər üzrə aparılan monitorinqlər nəticəsində Bakı şəhəri 65 nömrəli tam orta məktəbin direktoru Arzu Miriyev, 298 nömrəli tam orta məktəbin direktoru Xatirə Hacıyeva, 158 nömrəli tam orta məktəbin direktoru Mehriban Ələkbərova ilə bağlanmış əmək müqaviləsinə xitam verilib.

Hər üç ümumi təhsil məktəbinin normal fəaliyyətinin təmin olunması İdarənin nəzarətindədir.