KİV: İranda prezidentin iqamətgahı, məmurların evləri zərbələrə məruz qalıb - YENİLƏNİB

İrana endirilən zərbələr yüksək vəzifəli məmurların, hərbi xadimlərin və nazirlik əməkdaşlarının evlərinə yönəldilib.

"Report" xəbər verir ki, bu barədə İsrailin "Canal 12" telekanalı məlumat yayıb.

"Bu gün İrana endirilən zərbələr nazirlərin və hərbi rəhbərlərin evlərinə, Müdafiə və Kəşfiyyat Nazirliyinin obyektlərinə, prezident iqamətgahına və digər hədəflərə yönəldilib", - telekanal bildirir.

11:29

İsrailin İrana endirdiyi zərbələr zamanı partlayışlar yalnız Tehranda deyil, ölkənin digər şəhərlərində də eşidilib.

Bu barədə "Report" İran mediasına istinadən xəbər verir.

Partlayışlar İsfahan, Qum, Kərəc, Kirmanşah, Təbriz şəhərlərində və Lorestan əyalətində də baş verib.