İranın yeni Ali lideri Xamenei soyadını saxlayacaq

İranın yeni Ali liderinin soyadı bir neçə gün əvvəl həlak olmuş ölkənin dini lideri Əli Xameneinin soyadı ilə eyni qalacaq.

"Report" "Al Hadath"a istinadən xəbər verir ki, bu barədə İslam Respublikasının yeni liderinin seçilməsində iştirak edən Ekspertlər Şurasının üzvü bildirib.

"Biz (İranın-red) yeni liderini seçdik", - Şura üzvü bildirib. O, əlavə edib ki, Xamenei soyadı da yeni ali liderdə qalacaq.

Bu yaxınlara qədər həmin vəzifəyə ən çox ehtimal olunan namizədin mərhum Ali lider Əli Xameneinin oğlu Müctəba olduğu hesab olunurdu. Şənbə günü Müctəba Xameneinin İranda baş verən bombardmanlardan birində yaralandığı bildirilirdi.