Ukraynanın sərbəst güləş üzrə Azərbaycan əsilli təmsilçisi Avropa çempionu olub

Serbiyanın Zrenyanin şəhərində keçirilən güləş üzrə U-23 Avropa çempionatında sərbəst güləş yarışları davam edir.

"Report"un Şərqi Avropa bürosunun məlumatına görə, Ukraynanı sərbəst güləş üzrə 50 kiloqram çəki dərəcəsində təmsil edən Azərbaycan əsilli Aidə Kərimova bütün rəqiblərinə qalib gələrək qızıl medal qazanıb.

A.Kərimova, Ukraynada ilk Azərbaycan əsilli qadın idmançı kimi bu nailiyyətin sahibidir.

Qeyd edək ki, A.Kərimova Donetsk vilayətinin Toretsk şəhərində doğulub.