Ötən il ən çox qol vuran afrikalı futbolçular bəlli olub

2023-cü ildə ən çox qol vurmuş afrikalı futbolçular açıqlanıb.

"Report"un məlumatına görə, siyahını Beynəlxalq Futbol Tarixi və Statistikaları Federasiyası hazırlayıb.

Birinci pillədə ABŞ-nin "Los-Anceles" komandasında çıxış edən qabonlu Denis Buanqa qərarlaşıb. O, millidə və klubunda 40 qola imza atıb.

İngiltərənin "Liverpul" klubunun misirli hücumçusu Məhəmməd Salah (36 qol) ikincidir.

Qətərin "Əl-Duhail" kollektivindən keniyalı Maykl Olunqa və Birləşmiş Ərəb Əmirlikləri təmsilçisi "Əl-Əyn"dən toqolu Koco Fo-Doh Laba (hər ikisi 35 qol) növbəti pillələrdə yer alıblar.