Yuxarı
    Bağlamaq

    "Təmiz Şəhər"in sədri: "Mənfəətlə işləməyimiz üçün tariflər artırılmalıdır"

    Dinlə
    Etibar Abbasov səhmdar cəmiyyətin zərərlə işləməsinə aydınlıq gətirib
    “Təmiz Şəhər” ASC-nin İdarə Heyətinin sədri Etibar Abbasov

    Bakı. 2 iyun. REPORT.AZ/ İqtisadiyyat Nazirliyi yanında "Təmiz Şəhər" ASC-nin zərərlə işləməsi tullantıların daşınma tariflərinin aşağı olması ilə bağlıdır. 

    Bu barədə "Report"a açıqlamasında qurumun İdarə Heyətinin sədri Etibar Abbasov bildirib. 

    "Tariflərin artırılması məsələsinə baxılmalıdır. Bütün dünyada bu tariflər yüksəkdir, amma Azərbaycanda aşağıdır. Səhmdar cəmiyyətin gəlirləri tullantıların daşınması ilə yanaşı, istehsal etdiyi elektrik enerjisinin satışından da formalaşır. Enerjinin tariflərini də Tarif Şurası müəyyən edib. Bu məsələlərə kompleks baxılmalı, tariflər artırılmalıdır ki, mənfəətlə işləyək", - deyə o, qeyd edib. 

    Sədr rəhbərlik etdiyi qurumun tabeliyindəki Balaxanı Sənaye Parkındakı son vəziyyət barədə də danışıb: "Hazırda Parkın 11 rezidenti var. Onlardaın 5-i fəaliyyətdədir. Yeni rezidentlərin cəlb edilməsi istiqamətində iş davam etdiriləcək. Bunun üçün Parkın ərazisi 1,3 hektar genişləndirilərək 8,3 hektara çatdırılıb"

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi