Nazir Yaşar Gülər: "Türkiyənin "Taxıl sazişi"ni bərpa edə biləcəyinə inanıram"

“Türkiyə Prezidenti Rəcəb Tayyib Ərdoğan “Taxıl sazişi”nin bərpa olunması üçün səy göstərməyə davam edir”.

“Report” xəbər verir ki, bunu Türkiyənin milli müdafiə naziri Yaşar Gülər “A Haber”ə müsahibəsində deyib.

O, Türkiyənin problemi həll edə biləcəyinə inamını ifadə edib: “Şəxsən mən inanıram ki, dövlət başçımız məsələni həll edə biləcək”.

Y.Gülərin sözlərinə görə, Ukraynada müharibə başlayandan sonra hər kəs Rusiya və Ukraynanın dünyanın taxıl anbarı olduğunu öyrəndi:

“Çünki taxıl ixracının dayanması ciddi problemlər yaratdı”.