Türkiyənin 16 bölgəsində İŞİD-ə qarşı əməliyyat keçirilib, 45 şübhəli saxlanılıb

Türkiyənin 16 vilayətində İŞİD terror qruplaşmasına qarşı “Bozdağan-48” əməliyyatı keçirilib.

“Report” xəbər verir ki, bu barədə ölkənin daxili işlər naziri Ali Yerlikaya məlumat verib.

Bildirilib ki, əməliyyat nəticəsində 45 şübhəli saxlanılıb.

Onlardan xeyli miqdarda xarici valyuta və türk lirəsi, eləcə də çoxlu sayda rəqəmsal material ələ keçirilib.