Türkiyədə yol qəzası olub, xəsarət alanlar var

Türkiyənin Bolu şəhərində iki avtomobil toqquşub.

Bu barədə "Report" yerli mətbuata istinadən xəbər verir.

Məlumata görə, qəza zamanı 9 nəfər xəsarət alıb.

Hadisə yerinə təcili tibbi yardım, jandarm əməkdaşları göndərilib.

Yaralılar ilkin tibbi yardımdan sonra Bolu və Gerede xəstəxanalarına çatdırılıblar.

Qəzanın səbəbi məlum deyil. Faktla bağlı araşdırma aparılır.