Bakı 14° C
Almaz Baketayev Qırğızıstan Milli Bankının yeni sədri olub - YENİLƏNİB
- 18 mart, 2026
- 17:34
Qırğızıstan Nazirlər Kabinetinin sədri – Prezident Administrasiyasının rəhbəri Adılbek Kasımalıyev Milli Bankın mərkəzi aparatına yeni sədr Almaz Baketayevi təqdim edib.
"Report" xəbər verir ki, bu barədə Qırğızıstan KİV-ləri məlumat yayıb.
A.Kasımalıyev Milli Bankın işinin prioritet istiqamətlərini qeyd edib.
O bildirib ki, yeni sədrin rəhbərliyi altında tənzimləyici qurum bank sektorunun inkişafını davam etdirəcək, pul-kredit siyasətinin səmərəliliyini artıracaq və sabit iqtisadi artıma töhfə verəcək.
Qırğızıstan Milli Bankının sədri Melis Turqunbayev istefa verib.
"Report" Qırğızıstan KİV-lərinə istinadən xəbər verir ki, bu barədə martın 18-də Joqorku Keneşin (parlamentin) spikeri Marlen Mamataliyev məlumat verib.
Spiker qeyd edib ki, M.Turqunbayev istefa vermək barədə ərizəsini özü təqdim edib.
O əlavə edib ki, parlamentin müvafiq komitəsi yaxın zamanda bu məsələni nəzərdən keçirəcək.