Bəzi ölkələr Gürcüstanı Rusiyaya qarşı ikinci cəbhə açmağa çağırıblar

“Konkret səfirliklərin nümayəndələri Gürcüstanı Rusiyaya qarşı ikinci cəbhə açmağa və sonra partizan müharibəsi aparmağa çağırıblar”.

“Report” xəbər verir ki, bunu Gürcüstanın hakim “Gürcü Arzusu-Demokratik Gürcüstan” partiyasının baş katibi, Tbilisinin meri Kaxa Kaladze “İmedi” telekanalına müsahibəsində deyib.

“Konkret səfirliklərin nümayəndələri birbaşa bizi Rusiya ilə müharibəyə başlamağa çağırdılar. Bir müddət dayandıq və o zaman nə olacaq sualını verəndə onların cavabı heyrətləndirici oldu. Nümayəndələrin fikrinə görə, biz partizan müharibəsinə keçməli idik”, - deyə o qeyd edib.