Azərbaycanın builki icmal büdcəsində 4 milyard manata yaxın qalıq yaranıb

Bu ilin I yarısında Azərbaycanın icmal büdcəsinin gəlirləri 18 149,7 milyon manat, xərcləri isə 14 343 milyon manat təşkil edib.

“Report” Maliyyə Nazirliyinə istinadən xəbər verir ki, bunlar, ötən ilin eyni dövrü ilə müqayisədə müvafiq olaraq 18,4% və 12,5% çoxdur.

Son nəticədə icmal büdcədə 3 806,7 milyon manat qalıq yaranıb. Bu isə 1 il əvvələ nisbətən 47,75% çoxdur.