Salyanda iki avtomobil toqquşub, 4 nəfər xəsarət alıb

Salyanda yol-nəqliyyat hadisəsində 4 nəfər xəsarət alıb.

“Report”un Aran bürosunun məlumatına görə, hadisə köhnə Ələt-Astara magistral yolunun şəhər ərazisindən keçən hissəsində - Akkuşa çayının yaxınlığında qeydə alınıb.

Belə ki, hərəkətdə olan “Mercedes” markalı avtomobil digər minik avtomobili ilə toqquşub.

Qəza nəticəsində Sumqayıt şəhər sakini 2001-ci il təvəllüdlü Aslanzadə Kənan Namiq oğlu, Salyan rayon sakinləri - 2002-ci il təvəllüdlü Sadıqov Aydın Əmrah oğlu, 1990-cı il təvəllüdlü Qayıbov İsmayıl Rasim oğlu və 1981-ci il təvəllüdlü Novruzov Alim Ağabala oğlu müxtəlif dərəcəli yaralanıblar.

Xəsarət alanlar Salyan Mərkəzi Rayon Xəstəxanasına çatdırılıblar.

Faktla bağlı araşdırma aparılır.