Günay Məmmədzadə: "Bakıdakı Dünya Kubokunda məqsədim finala çıxmaqdır"

"Məqsədim finala çıxmaqdır".

"Report"un məlumatına görə, bunu Azərbaycan şahmatçısı Günay Məmmədzadə Bakıda keçiriləcək Dünya Kubokuna həsr olunmuş mətbuat konfransında deyib.

23 yaşlı qrossmeyster bildirib ki, bu cür yarışın Azərbaycanda təşkili əsl bayramdır: "Yaxşı hazırlıq keçmişəm. İnanıram ki, hər kəs öz iddiasını ortaya qoyacaq".

O, turnirin ölkədə gənc nəsil üçün yaxşı motivasiya olacağını əlavə edib.

Qeyd edək ki, iyulun 30-da start götürəcək yarışda 80-dən çox ölkədən 206 kişi və 103 qadın şahmatçı mübarizə aparacaq. Görüşlər “Bulvar Marriot” hotelində oynanılacaq. Yarışlar hər gün saat 15-00-da başlayacaq.