IX sinfin buraxılış imtahanının məzmunu və forması təqdim edilib

Elm və təhsil

30 aprel, 2021
12:50

IX sinfin buraxılış imtahanının məzmunu və forması təqdim edilib

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Dövlət İmtahan Mərkəzi ümumi (9 illik) orta təhsil səviyyəsi üzrə buraxılış imtahanının məzmunu və forması, həmçinin modelinə dair nümunələri yenidən təqdim edib.

"Report" xəbər verir ki, buraxılış imtahanı bir mərhələdə keçiriləcək.

İmtahanda 85 tapşırıq təqdim edilir. İmtahan modelinin strukturu aşağıdakı kimidir:

Fənnin adı	Tapşırıqların tipi və sayı
Tədris dili	- Dil qaydalarına dair 10 qapalı tapşırıq; - Oxuyub-anlamaya dair 2 mətn (bədii, publisistik) və hər mətnə aid 10 tapşırıq; bunlardan 8-i qapalı, 2-si cavabı kodlaşdırıla bilən açıq tipli (seçim) Cəmi: 30 tapşırıq
Riyaziyyat	- Qapalı tipli 21 tapşırıq; - Cavabı kodlaşdırıla bilən açıq tipli (hesablama) 4 tapşırıq Cəmi: 25 tapşırıq
Xarici dil	- Dinləyib-anlamaya dair 1 mətn (publisistik və ya dialoq formalı) və mətnə aid 6 tapşırıq; bunlardan 5-i qapalı və 1-i cavabı kodlaşdırıla bilən açıq tipli (seçim); - Dil qaydalarına dair 16 tapşırıq: bunlardan 14-ü qapalı və 2-si cavabı kodlaşdırıla bilən açıq tipli (seçim); - Oxuyub-anlamaya dair 1 mətn və mətnə aid 8 tapşırıq; bunlardan 7-si qapalı və 1-i cavabı kodlaşdırıla bilən açıq tipli (seçim) Cəmi: 30 tapşırıq