"IV Bakı Beynəlxalq Kitab Sərgi Yarmarkası"nın vaxtı açıqlanıb

Bakı. 15 iyul. REPORT.AZ/ "IV Bakı Beynəlxalq Kitab Sərgi Yarmarkası"nın vaxtı açıqlanıb. 

Mədəniyyət və Turizm Nazirliyinin Kitab dövriyyəsi və Nəşriyyatlarla iş şöbəsinin nəşriyyat sektorunun müdiri Aslan Cəfərov "Report"a bildirib ki, sərgi sentyabrın 16-dan 18-dək Bakıda Əl Oyunları Sarayında keçiriləcək.

Onun sözlərinə görə, sərgi-yarmarkası 2 ildən bir keçirilir. Builki sərgi-yarmarkada 120 nəşriyyatdan 100-ü iştirak edəcək. Sərgi-Yarmarkada Azərbaycanda nəşr edilən kitablar, yeni nəşrlər nümayiş etdiriləcək. 

Xatırladaq ki, ilk kitab sərgi yarmarkası 2009-cu ildə keçirilib. 

2013-cü ildə keçirilən sonuncu sərgi-yarmarkada 30-dan çox xarici nəşriyyatın dövri nəşrləri nümayiş etdirilib.