Yuxarı

Şeyxülislam Allahşükür Paşazadə: "Azərbaycanda dini sahədə sabitlik mövcuddur"

Şeyxülislam Allahşükür Paşazadə: "Azərbaycanda dini sahədə sabitlik
© Report / Elchin Murad — Qafqaz Müsəlmanları İdarəsinin sədri, Şeyxülislam Allahşükür Paşazadə

"Mənim ən böyük arzum ondan ibarətdir ki, şəhidlərimizin qanı yerdə qalmasın, Ali Baş Komandanımızın rəhbərliyi ilə torpaqlarımız tezliklə azad edilsin. Bugünkü bayram namazında Azərbaycanın firəvanlığı, gələcəyi üçün duallar etdik".

"Report" xəbər verir ki, bunu "Təzə Pir" məscidində Müqəddəs Ramazan bayramı münasibətilə qılınan bayram namazından sonra jurnalistlərə açıqlamasında Qafqaz Müsəlmanları İdarəsinin sədri, Şeyxülislam Allahşükür Paşazadə deyib.

"Azərbaycanda dini sahədə sabitlik mövcuddur. Dindarlar üçün hər bir şərait yaradılıb. Lakin yaradılan şəraitdən istifadə edən bəzi qaragüruhçu insanlar ölkəmizdəki hadisələri dünyaya başqa şəkildə göstərmək istəyirlər. Əlbəttə, bu, yolverilməzdir, bu, bəlkə də, Azərbaycan xalqına qarşı olan bir işdir", - A.Paşazadə əlavə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi