Tayvan Çindən 30 uçuş aparatı və 11 gəminin yaxınlaşmasını qeydə alıb

Tayvan silahlı qüvvələri son sutka ərzində Çinin Xalq Azadlıq Ordusunun (ÇXAO) 30 uçuş aparatı və 7 gəmisinin adaya yaxınlaşdığını qeydə alıb.

“Report” xəbər verir ki, bu barədə adanın müdafiə qurumu məlumat yayıb.

20 uçuş aparatı Tayvan boğazının xəyali orta xəttini keçərək adanın şimal, mərkəzi, cənub-qərb və şərq hissələrində hava hücumundan müdafiə təyinetmə zonasına daxil olub.

Tayvan ordusu buna cavab olaraq hədəfləri izləmək üçün təyyarələr, gəmilər və yerüstü zenit-raket sistemlərini işə salıb.