Pentaqon İranın Hərbi Dəniz Qüvvələrinin artan təxribatlarından narahatdır

Baku. 30 avqust. REPORT.AZ/ Son günlər İranın Hərbi Dəniz Qüvvələri Fars körfəzindəki Amerika gəmilərinə qarşı təxribatların sayını artırıb.

“Report” RİA "Novosti" agentliyinə istinadən xəbər verir ki, bu barədə ABŞ-nın Yaxın Şərq Komandanlığının rəhbəri general Cozef Votel bildirib.

"Bu, bizi çox narahat edir və biz ümidvarıq ki, İran Hərbi Dəniz Qüvvələri daha peşəkar şəkildə davranacaq", - C.Votel brifinqdəki çıxışında deyib.

O, eyni zamanda, Amerika Hərbi Dəniz Qüvvələrinin bu şəraitdə peşəkar hərəkətlərini xüsusi vurğulayıb.