“Nokia” Rusiyanı tamamilə tərk edəcək

Finlandiyanın “Nokia” şirkəti Rusiyada fəaliyyətini tamamilə dayandıracaq.

“Report” xəbər verir ki, bu barədə “Reuters” şirkətin nümayəndəsinə istinadən məlumat yayıb.

“İlin sonuna qədər Rusiyadakı əməkdaşlarımızın böyük əksəriyyəti “Nokia”dan ayrılacaq və bütün ofislərimizi boşaldacağıq”, - mənbə bildirib.

O əlavə edib ki, “Nokia”nın Rusiyadakı mövcudluğu şirkət rəsmi şəkildə ləğv olunana qədər davam edəcək.

Bundan başqa, agentliyin məlumatına əsasən, İsveçin “Ericsson” şirkəti də yaxın aylarda Rusiyadakı fəaliyyətini məhdudlaşdıracaq.