Kamçatkada Vilyuçinski vulkanına dırmaşan daha bir turist ölüb - YENİLƏNİB

Kamçatkada Vilyuçinski vulkanında ölənlərin sayı ikiyə çatıb.

"Report"un Rusiya mətbuatına istinadən verdiyi məlumata görə, bu barədə Rusiya Fövqəladə Hallar Nazirliyinin Baş İdarəsi məlumat yayıb.

Qeyd edək ki, vulkan ərazisində 3 turist hündürlükdən yıxılıb.

16:41

Oktyabrın 4-də Kamçatkada Vilyuçinski vulkanında 3 turist hündürlükdən yıxılıb.

"Report" Rusiya KİV-ə istinadən xəbər verir ki, turistlərdən biri ölüb, birinin vəziyyəti ağırdır.

Üçüncü turistin yeri müəyyən edilib və hazırda o təxliyyə olunur.

FHN-dən verilən məlumata görə, turist qrupu qeydiyyatdan keçməyib, onların qalxdıqları marşrut isə 2025-ci il iyulun 1-dən rəsmən bağlanıb.