Qavi uzun fasilədən sonra "Barselona"ya qoşulmağa hazırlaşır

İspaniyanın "Barselona" klubunun yarımmüdafiəçisi Qavi yaxın vaxtlarda yaşıl meydanlara qayıdacaq.

"Report" "The Touchline" nəşrinə istinadən xəbər verir ki, Kataloniya klubu dizində aparılan əməliyyat səbəbindən avqustdan bəri forma geyinməyən futbolçunu dərhal gərgin oyun qrafikinə daxil etməyəcək.

Klubun planı Qavini tədricən komandaya uyğunlaşdırmaqdir. Baş məşqçi Hans-Diter Flik gələcək planlarında Qaviyə güvənmək niyyətindədir və onu yenidən itirmək istəmir.

Qeyd edək ki, 21 yaşlı futbolçu cari mövsüm La Liqada yalnız iki qarşılaşmada meydana çıxıb və bir məhsuldar ötürmə ilə yadda qalıb.