İndoneziyada partlayış nəticəsində 50 nəfər yaralanıb - YENİLƏNİB

İndoneziyanın paytaxtı Cakartada məktəb kompleksi ərazisində yerləşən məsciddə baş verən partlayış nəticəsində 50-dən çox insan yaralanıb.

"Report" xarici mətbuata istinadən xəbər verir ki, bu barədə Cakarta polis rəisi Asep Edi Suxeri bildirib.

Hadisənin səbəbləri hələlik məlum deyil.

12:39

İndoneziyada məktəb kompleksinin ərazisindəki məsciddə partlayış baş verib.

Bu barədə "Report" "Reuters" agentliyinə istinadən məlumat verir.

Bir neçə nəfərin xəsarət aldığı bildirilir, onların bir qismi xəstəxanaya yerləşdirilib.

Xüsusi təyinatlı bölmələr və fövqəladə hallar üzrə xidmətlərin əməkdaşları hadisə yerindədir.

Hakimiyyət orqanları hadisənin təfərrüatlarını araşdırmağa başlayıb. İnsidentin səbəbi hələlik müəyyən edilməyib.