Husilər İsraillə əlaqəsi olduğu iddia edilən gəmilərə hücum ediblər

Yəmən husiləri İsraillə əlaqəsi olduğu iddia edilən iki gəmiyə hücum edib.

“Report” xarici KİV-ə istinadən xəbər verir ki, bu barədə hərəkatın rəsmi nümayəndəsi Yəhya Sariya bildirib.

Onun sözlərinə görə, husilər iki təyyarə ilə “Swan Atlantic” neft tankerinə və “Clara” konteyner gəmisinə basqın edib.

Qeyd edək ki, Qəzza zolağında HƏMAS-İsrail münaqişəsinin şiddətlənməsindən sonra husilər İsrail ərazisinə hücum edəcəklərini və İsraillə əlaqəli gəmilərin Qırmızı dəniz və Bab əl-Məndəb boğazından keçməsinə icazə verməyəcəklərini bildiriblər.