ABŞ Polşaya “Apache” helikopterlərini verəcək

ABŞ öz resurslarından Polşaya “Apache” helikopterləri verəcək. Onlar NATO-nun şərq cinahında yerləşdiriləcək.

“Report” “Polskie Radio”ya istinadən xəbər verir ki, bu barədə Şərqi Avropa ölkəsinin müdafiə naziri Mariuş Blaşçak deyib.

Onun sözlərinə görə, helikopterlər ölkənin müdafiəsini gücləndirməyə kömək edəcək və Polşaya şərqdən hücumu qeyri-mümkün qılacaq.

“Biz təminat aldıq ki, ABŞ ordusu bizə öz resurslarından “Abrams” tankları ilə yaxşı işləyən “Apache” helikopterləri çatdıracaq. Maşınlar NATO-nun şərq cinahına gedəcək və Brest darvazasını bağlayacaq”, - Blaşçak bildirib.