“Bravo”nun əsas təsisçisi dəyişib

"Bravo" supermarketlər şəbəkəsini idarə edən "Azərbaycan Supermarket" MMC-nin 50%-lik təsisiçisi Mir Calal Paşayev payını satıb.

"Report" xəbər verir ki, onun payını “Fly Group” MMC alıb.

Yeni təsisçi ötən ilin dekabr ayında yaradılıb, "Azərbaycan Supermarket"in daxil olduğu "PAŞA Holdinq" MMC ilə eyni hüquqi ünvanda - Bakı şəhəri, Səbail rayonu, Neftçilər prospekti, 153-də qeydiyyatdan keçib.

“Bravo”nun təsis paylarının qalan hissəsi əvvəlki kimi “İdeal Biznes Ko.” (25%) və “Yevro Standard” (25%) MMC-lərə məxsusdur. Bunlardan 1-cisi həm də "Xalq Bank" və "Xalq Sığorta" ASC-lərdə 50%, 2-cisi isə "Xalq Bank"da 33,85%, "Xalq Sığorta"da 50%, "Bank Avrasiya" ASC-də isə 37,5% pay sahibidir.