İlham Əliyev: Azərbaycan ilə Litva arasında dostluq və əməkdaşlıq əlaqələri xoş ənənələrə malikdir

Bu il diplomatik münasibətlərin qurulmasının 30-cu ildönümünü qeyd edəcək Azərbaycan ilə Litva arasında dostluq və əməkdaşlıq əlaqələri xoş ənənələrə malikdir.

"Report" xəbər verir ki, bu sözlər Azərbaycan Prezidenti İlham Əliyevin Litva Prezidenti Gitanas Nausedaya bu ölkənin milli bayramı münasibətilə ünvanladığı təbrik məktubunda deyilir.

"İnanıram ki, xalqlarımızın mənafelərinə uyğun olaraq dövlətlərarası münasibətlərimizin möhkəmləndirilməsi və əməkdaşlığımızın genişləndirilməsi yolunda birgə səylərimizi bundan sonra da davam etdirəcəyik", - Prezident qeyd edib.