Filippinli nümayəndə: "Qurumlar büdcələrinin 5 faizini qadınlara dəstək üçün ayırmalıdırlar"

"Qurumlar öz büdcəsinin minimum 5 faizini qadınlara dəstək üçün ayırmalıdırlar".

"Report" xəbər verir ki, bunu Filippinin Qadın vəziyyəti komissiyasının icraçı direktoru Kristin Rozari Çaves noyabrın 20-də Qoşulmama Hərəkatının ailə, qadın komitələrinin Bakıda keçirilən “Qadınların hüquqlarının inkişaf etdirilməsi və səlahiyyətlərinin artırılması” mövzusunda konfransda çıxışı zamanı deyib.

O, qadınların dünyada üzləşdiyi problemlərlə bağlı çağırışlarını anladıqlarını vurğulayıb: "Qadınlara qarşı olan ayrı-seçkiliklə bağlı ciddi mübarizə aparılır. Bu, qanunvericilikdə də öz əksini tapır. Gender bərabərliyinə dair görüləcək işlər çoxdur və buna nail olmaq üçün hamımızı səylərimizi birləşdirməyə dəvət edirəm".