Fərid Şəfiyev: "Ermənistanla problemlər bundan sonra hərbi yox, elmi və hüquqi müstəvidə davam edəcək"

"Bundan sonra Ermənistanla olan problemlər hərbi müstəvidə yox, elmi, media və hüquqi müstəvidə davam edəcək".

"Report" xəbər verir ki, bunu Beynəlxalq Münasibətlərin Təhlili Mərkəzinin İdarə heyətinin sədri Fərid Şəfiyev "Laçın-Xankəndi yolu ətrafında mübahisələr" adlı hesabatın təqdimatında deyib.

Onun sözlərinə görə, ermənilər hələ də Azərbaycana qarşı kampaniya aparır, ölkəmizi erməni əhalini zorla köçürməkdə ittiham edirlər: "Bizim də iddialarımız var, zərər çəkmişik, torpaqlarımız işğal olunub. Ermənilərin bu hərəkətləri göstərir ki, onlar müharibəni davam etdirmək istəyirlər".