Ceyhun Bayramov Gürcüstanın baş naziri ilə görüşüb

Ceyhun Bayramov Gürcüstanın baş naziri ilə görüşüb Azərbaycan Respublikasının Xarici İşlər naziri Ceyhun Bayramov Gürcüstana rəsmi səfəri çərçivəsində Gürcüstanın Baş naziri Giorgi Qaxaria ilə görüşüb.
Xarici siyasət
880
24 Sentyabr , 2020 16:19
Ceyhun Bayramov Gürcüstanın baş naziri ilə görüşüb

Azərbaycan Respublikasının Xarici İşlər naziri Ceyhun Bayramov Gürcüstana rəsmi səfəri çərçivəsində Gürcüstanın Baş naziri Giorgi Qaxaria ilə görüşüb.

Xarici İşlər Nazirliyindən "Report"a bildirilib ki, görüşdə tərəflər Azərbaycan-Gürcüstan yüksək səviyyəli strateji əməkdaşlıq münasibətlərinin bir çox aspektləri üzrə fikir mübadiləsi aparıblar.

Gürcüstan Baş naziri Azərbaycan Respublikasının Prezidentini cari ilin 19 sentyabr tarixində çıxışı zamanı Gürcüstan ilə bağlı söylədiklərini minnətdarlıq ilə qeyd edərək, bu çıxışın Gürcüstan ictimaiyyəti tərəfindən yüksək səviyyədə qəbul edildiyini qeyd edib.

Nazir Ceyhun Bayramov Azərbaycan Respublikasının Prezidenti cənab İlham Əliyevin salamlarını Gürcüstan Baş nazirinin diqqətinə çatdırıb. Mehriban qonşuluq və dostluq mümasibətlərinə əsaslanan əməkdaşlıq və tərəfdaşlıq əlaqələrimizin yüksək səviyyədə inkişaf etdiyini vurğulayıb.

Tərəflər birgə həyata keçirilən irimiqyaslı regional layihələr, o cümlədən enerji, nəqliyyat sahəsində layihələrin nəinki iki ölkə, həmçinin bölgə üçün əhəmiyyətini qeyd ediblər. Bu xüsusda yeni layihələrin həyata keçirilməsinin zəruriliyi vurğulanıb. İki ölkə arasında mövcud tranzit imkanlarının gələcəkdə daha da genişləndirilməsi üzrə fikir mübadiləsi aparılıb.

Hazırda dünyanın üzləşdiyi pandemiya ilə mübarizə çərçivəsində iki ölkənin qarşılıqlı əməkdaşlıq münasibətlərinin, xüsusilə daşımaların maneəsiz davam etdirildiyi xüsusilə vurğulanıb.

Tərəflər, həmçinin humanitar, mədəniyyət, ekologiya və turizm sahələrində əməkdaşlıq imkanlarını müzakirə ediblər.

Görüşdə, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

15.48
Azərbaycanın Xarici İşlər naziri Ceyhun Bayramov Gürcüstanın baş naziri Giorgi Qaxaria ilə görüşüb.
 
"Report" xəbər verir ki, bu barədə Gürcüstan hökumətinin Mətbuat xidməti məlumat yayıb.
 
Görüşdə ikitərəfli əlaqələr və əməkdaşlıq perspektivləri müzakirə olunub. Tərəflər əsas diqqəti siyasi, ticari-iqtisadi, energetika, təhsil və mədəniyyət sahələrində əməkdaşlıq məsələlərinə ayırıblar.
Görüşdə regiondakı vəziyyətə də toxunulub. İki ölkə arasında strateji tərəfdaşlığın əhəmiyyəti vurğulanıb və əməkdaşlığın müxtəlif formatlarda dərinləşdirilməsi müzakirə olunub.
G.Qaxaria Gürcüstanın suverenliyi və ərazi bütövlüyünü dəstəklədiyinə görə azərbaycanlı nazirə minnətdarlıq edib. Qeyd olunub ki, hər iki ölkə bölgədəki münaqişələrin sülh yolu ilə həllinin tərəfdarıdır.
 
 

Son xəbərlər

Orphus sistemi