Azərbaycan-Misir əməkdaşlıq əlaqələri ətrafında fikir mübadiləsi aparılıb

Azərbaycan Respublikasının xarici işlər naziri Ceyhun Bayramov BMT Baş Assambleyasının 79-cu sessiyası çərçivəsində Misir Ərəb Respublikasının xarici işlər, miqrasiya və xaricdə yaşayan misirlilərlə iş naziri Bədr Əbdülati ilə görüşüb.

Bu barədə "Report"a Azərbaycanın Xarici İşlər Nazirliyindən bildirilib.

Görüş zamanı Misirin xarici işlər naziri təyin edilməsi münasibətilə qarşı tərəfə təbriklər çatdırılıb, bu təyinatın Azərbaycan-Misir əlaqələrinin daha da dərinləşdirilməsinə töhfə verəcəyinə dair inam ifadə olunub.

Azərbaycan ilə Misir arasında qarşılıqlı hörmət və etimada əsaslanan konstruktiv dostluq münasibətlərinin uzun tarixə malik olduğu bildirilərək, iki ölkənin dövlət başçılarının sıx təmasları sayəsində bu münasibətlərin qorunub saxlanılması və daha da inkişaf etdirilməsinin mümkün olduğu diqqətə çatdırılıb. Bu xüsusda, Azərbaycan Respublikası Prezidentinin Misirə son rəsmi səfərinin ikitərəfli əlaqələrimizin inkişafı üçün yeni səhifənin açılması, əməkdaşlığımızda çoxsaylı fürsətlərin ortaya çıxarılması baxımından əhəmiyyəti vurğulanıb.

BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında Misirin dövlət başçısı səviyyəsində iştirakının təsdiqinə görə qarşı tərəfə minnətdarlıq ifadə olunub, qlobal əhəmiyyətli bu tədbirin yaşıl enerji sahəsində Azərbaycan-Misir əməkdaşlığı üçün əlavə imkanlar yarada biləcəyi diqqətə çatdırılıb.

Postmünaqişə dövründə bölgəmizdə mövcud vəziyyət və reallıqlar, Azərbaycan və Ermənistan arasında normallaşma prosesinin gedişatı barədə qarşı tərəf ətraflı məlumatlandırılıb.

Görüş zamanı həmçinin qarşılıqlı maraq doğuran digər ikitərəfli və çoxtərəfli məsələlər ətrafında fikir mübadiləsi aparılıb.

Azərbaycanın xarici işlər naziri Ceyhun Bayramov BMT Baş Assambleyasının 79-cu sessiyasının yüksək səviyyəli həftəsi çərçivəsində Misirin xarici işlər naziri Bədr Abdelatti ilə görüşüb.

“Report” xəbər verir ki, bu barədə Ceyhun Bayramov “X” sosial şəbəkəsindəki hesabında yazıb.

O, qeyd edib ki, görüşdə Azərbaycan və Misir arasında həm ikitərəfli, həm də çoxtərəfli formatda əməkdaşlıq əlaqələri ətrafında fikir mübadiləsi aparılıb.

Görüşdə həmçinin COP29, regionda münaqişədən sonrakı vəziyyət, eləcə də Azərbaycan - Ermənistan normallaşma prosesinə toxunulub.

In the framework of #UNGA79, pleased to meet Badr Abdelatty, Minister of Foreign Affairs of Egypt . Exchanged views on cooperation relations between Azerbaijan and Egypt in both bilateral and multilateral formats.

Touched upon @COP29_AZ, post-conflict situation, as well… pic.twitter.com/EyW5UXfYCn

— Jeyhun Bayramov (@Bayramov_Jeyhun) September 26, 2024