Aİ-nin XİN rəhbərləri Ermənistan və Azərbaycan arasında sülh danışıqlarını müzakirə edəcəklər

Bu gün Avropa İttifaqının 27 ölkəsinin xarici işlər nazirlərinin Brüsseldə (Belçika Krallığının paytaxtı - Qeyd) növbəti görüşü keçiriləcək.

“Report” xəbər verir ki, görüşdə diplomatlar Ermənistan və Azərbaycan arasında sülh danışıqlarını, İsrail və Fələstinin radikal HƏMAS hərəkatı arasında münaqişəni müzakirə edəcəklər.

Digər əsas mövzu Ukraynadakı münaqişə və bununla bağlı bütün məsələlər, o cümlədən bu ölkəyə maliyyə və hərbi yardım və təhlükəsizlik təminatları olacaq.