Şahdağ Turizm Mərkəzi yay mövsümünü açıq elan edib

Bakı. 16 iyun. REPORT.AZ/ "Şahdağ" Turizm Mərkəzi yay mövsümünü açıq elan edib.  

Mədəniyyət və Turizm Nazirliyindən "Report"a verilən məlumata görə, mərkəz yay mövsümündə bütün yaşlara uyğun, böyüklər və uşaqlar üçün müxtəlif növ idman və əyləncə oyunlarını təqdim edir.

Macəra parkı, Bob kart, Kvadrosikllar, Dağ velosipedi, Skandinav yerişi, Səmti müəyyən etmə oyunu, Nordik Gəzintisi, Peyntbol, Seqvey, Ziplayn, Trotinet, Trekkinq, Atla gəzinti və s. oyunlar istirahət, əyləncə və gözəl təbiətdən zövq almaq istəyənləri gözləyir.

Mərkəzdə həmçinin həftəsonu musiqi sədaları altında pikniklər və digər maraqlı əyləncələr üçün də əlverişli şərait yaradılıb.