“Avroviziya-2023”ün final mərhələsinin bütün iştirakçıları bəlli olub

“Avroviziya-2023” beynəlxalq musiqi yarışmasının finalına çıxan ölkələr məlum olub.

“Report”un məlumatına görə, Liverpulda baş tutan müsabiqənin nəticələri açıqlanıb.

Nəticələrə əsasən Albaniya, Kipr, Estoniya, Belçika, Avstriya, Polşa, Avstraliya, Litva, Ermənistan və Sloveniya finala vəsiqə qazanıblar.

Xatırladaq ki, daha əvvəl Xorvatiya, Moldova, İsveçrə, Finlandiya, Çexiya, İsrail, Portuqaliya, İsveç, Serbiya və Norveç təmsilçiləri finala çıxıblar.

Müsabiqənin finalı mayın 13-də keçiriləcək.

Qeyd edək ki, bu il 67-ci dəfə təşkil olunacaq “Avroviziya” mahnı müsabiqəsində 37 ölkə təmsil olunur.