Agentlik sədri: “İşimizi yaşadığımız yerə yox, yaşadığımız yeri işə uyğunlaşdırmalıyıq”

“Bu gün işimizi yaşadığımız yerə yox, yaşadığımız yeri işə uyğunlaşdırmalıyıq”.

“Report”un xəbərinə görə, bunu Dövlət Məşğulluq Agentliyinin İdarə Heyətinin sədri Mustafa Abbasbəyli 2022-ci ilin yekunlarına dair mətbuat konfransında deyib.

Onun sözlərinə görə, əgər hardasa iş varsa, işaxtaran ona uyğun yaşayış yeri tapmalıdır:

"Bundan əlavə iş bizim peşə və kvalifikasiyamıza uyğun olmalıdır. Əgər peşə və kvalifikasiyamız yüksəkdirsə, bizə təklif olunan əməkhaqqı da yüksək olacaq. Bu gün işsizlərin böyük bir hissəsinin hər hansısa bir peşə və kvalifikasiyası yoxdur. Bu səbəbdən də həmin işlər üçün təklif olunan əməkhaqqı da yüksək deyil. Bunu tənzimləyən əmək bazarıdır. Burada dövlətin rolu ən yaxşı halda vasitəçi olmaqdır".