Azərbaycanda dövlətə məxsus şüşə istehsalçısının rəhbəri dəyişdirilib

“Azərbaycan Sənaye Korporasiyası” ASC-yə (ASK) məxsus “ASK Şüşə” MMC-nin direktoru Fəxrəddin Quliyev vəzifəsindən azad edilib.

"Report" xəbər verir ki, şirkətə rəhbərlik onun istehsalat üzrə müavini Səməd Nəbiyevə həvalə olunub.

Xatırladaq ki, “ASK Şüşə” Bakının Qaradağ rayonunda fəaliyyət göstərən və kredit əvəzində “Azərbaycan Beynəlxalq Bankı” ASC-yə girov qoyulmuş “Inter Glass” ASC-nin bazasında 2017-ci ildə yaradılıb. Onun nizamnamə kapitalı 34 677,5 min manatdır.