Kürək sümüyündə ağrı təhlükəli xəstəliyin əlaməti ola bilər

Sağ kürək sümüyündə ağrı qaraciyər xərçənginin göstəricisi ola bilər.

“Report” xəbər verir ki, bu barədə “Express” nəşri İngilis həkimlərinin məlumatlarına istinad edərək yazır.

Belə ki, qaraciyərdə yaranan şiş sinirləri qıcıqlandırır və ağrını kürək sümüyünə vurur. Mütəxəssislərin dediyinə görə ağrı sağ çiyində və ya bəzi hallarda bütün kürəkdə hiss edilə bilər.

Qaraciyər xərçənginin digər əlamətlərinə sarı dəri, iştahsızlıq, qara və ya solğun sidik, qarın şişməsi, ürək bulanması və qusma daxildir.