Yuxarı
    Bağlamaq

    Donald Tramp: “Səudiyyə Ərəbistanından jurnalistin itkin düşməsi ilə bağlı suallarımıza cavab gözləyirik”

    Bakı. 11 oktyabr. REPORT.AZ/ “Amerikalı müfəttişlər də jurnalistlə bağlı hadisəni araşdırırlar”.

    “Report” xəbər verir ki, bunu ABŞ Prezidenti Donald Tramp “Fox News” televiziyasına müsahibəsində deyib.

    “Camal Qaşıqçıya nə olduğunu öyrənməyə məcburam. Bu məsələdə mövqeyimiz çox sərtdir. Orada müfəttişlərmiz var. Onlar Türkiyədə yerli müfəttişlərlə birlikdə işləyirlər. Açığı Səudiyyə Ərəbistanı ilə də əməkdaşlıq edirik. Nələr baş verdiyini aşkar etmək istəyirik”, - deyə ABŞ lideri vurğulayıb.

    D.Tramp oktyabrın 10-da keçirdiyi mətbuat konfransında Səudiyyə Ərəbistanının İstanbuldakı Baş konsulluğunda itkin düşən jurnalist Camal Qaşıqçı barədə açıqlama vermişdi: “Bu hadisənin daha dərindən araşdırılmasını istəyirəm. Səudiyyə Ərəbistanı hakimiyyətindən suallarımıza cavab gözləyirik. Bu hadisənin axıradək araşdıracağıq. Camal Qaşıqçının nişanlısını Ağ Evdə görmək və qəbul etmək istəyirəm”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi