Zelenski: "Rusiyanın Dnestryanıdan Ukraynaya hücumu tamamilə mümkündür"

"Rusiyanın Dnestryanıdan Ukraynaya hücumu tamamilə mümkündür".

“Report” “RBK Ukraina”ya istinadən xəbər verir ki, bunu Ukrayna Prezidenti Volodimir Zelenski İtaliyanın “Rai 1” telekanalına müsahibəsində deyib.

Onun sözlərinə görə, orada yerləşdirilən bütün hərbçilər Rusiya ordusuna aiddir: "Amma hələ ki ciddi təhlükə görünmür. Çünki Dnestryanıdakı qrup zəifdir. Orada təxminən 15 min nəfərlik heyət olsa da, onlar kifayət qədər hazırlıqlı deyil. Amma Dnestryanı bölgənin Rusiya ilə sərhədi olmadığından yalnız səma vasitəsilə dəstək ala bilər".