Qriqoryan: TRIPP regionda sülhün və sabitliyin möhkəmləndirilməsi üçün vacibdir

Ermənistan Təhlükəsizlik Şurasının katibi Armen Qriqoryan TRIPP layihəsinin (Zəngəzur dəhlizinin Ermənistandan keçəcək 42 kilometrlik hissəsi - red.) regionda sülhün və sabitliyin möhkəmləndirilməsi üçün mühüm əhəmiyyət kəsb etdiyini bildirib.

"Report" Ermənistan KİV-ə istinadən xəbər verir ki, o, bu açıqlamanı beynəlxalq media nümayəndələri və analitik mərkəzlərin mütəxəssisləri ilə görüşdə verib.

Görüş zamanı Qriqoryan regional təhlükəsizlik məsələlərinə toxunub, 8 avqustda Vaşinqtonda Ermənistan və Azərbaycan arasında əldə edilən razılaşmaları xatırladıb və regionda sülhün və sabitliyin möhkəmləndirilməsi kontekstində TRIPP layihəsinin əhəmiyyətini vurğulayıb.