Mirzoyan: Azərbaycan və Türkiyə prezidentləri İrəvanda keçiriləcək sammitə dəvət olunublar

Azərbaycan və Türkiyə prezidentləri İlham Əliyev və Rəcəb Tayyib Ərdoğan gələn ilin yazında İrəvanda keçiriləcək "Avropa Siyasi Birliyi"nin sammitinə dəvət olunublar.

"Report"un Ermənistan KİV-lərinə istinadən verdiyi məlumata görə, bu barədə ölkənin xarici işlər naziri Ararat Mirzoyan jurnalistlərə deyib.

XİN rəhbəri qeyd edib ki, dəvətlər "hələ ki şifahi formada" göndərilib.