Kiyevdə məktəbli müəlliminə və sinif yoldaşına bıçaqla hücum edib

Ukraynanın paytaxtı Kiyevdə məktəblərdən birində şagird müəllimə və sinif yoldaşına bıçaqla hücum edib.

"Report" xəbər verir ki, bu barədə Ukrayna KİV-ləri Kiyev polisinin mətbuat xidmətinə istinadən məlumat yayıb.

İlkin məlumata görə, şagirdlərdən biri məktəbə bıçaqla daxil olaraq müəllimə və sinif yoldaşlarından birinə hücum edib.

Hazırda zərərçəkənlərə lazımi tibbi yardım göstərilir.

Polisin məlumatına görə, hücum edən şəxs saxlanılıb.

Bildirilib ki, hadisə ilə bağlı araşdırma aparılır.