Ermənistanda silahlı insident olub, yaralananlar var

Ermənistanın Abovyan şəhərində oktyabrın 11-i gecə saatlarında atışma və dava baş verib.

"Report" yerli KİV-ə istinadən xəbər verir ki, hadisə nəticəsində iki nəfər xəsarət alıb.

Məlumata görə, yaralananlardan biri güllə yarası, digəri isə bıçaq xəsarəti alıb. Onlar xəstəxanaya yerləşdirilib, vəziyyətləri son dərəcə ağır qiymətləndirilir.

Hüquq-mühafizə orqanlarının məlumatına görə, şəxsiyyəti müəyyən edilməmiş bir qrup şəxs mübahisə edib, daha sonra mübahisə silahlı insidentə çevrilib.

Hadisə yerində hüquq-mühafizə orqanlarının əməkdaşları qan izləri, güllə gilizləri, bıçaq aşkar ediblər.