Ararat Mirzoyan və Maqdalena Qrono Cənubi Qafqazdakı vəziyyəti müzakirə ediblər

Ermənistan xarici işlər naziri Ararat Mirzoyan və Aİ-nin Cənubi Qafqaz və Gürcüstan böhranı üzrə xüsusi nümayəndəsi Maqdalena Qrono Ermənistan-Azərbaycan münasibətlərinin normallaşması məsələsini müzakirə ediblər.

“Report” xəbər verir ki, bu barədə Ermənistan KİV-ləri məlumat yayıb.

Onlar Cənubi Qafqazdakı vəziyyəti, Ermənistan-Aİ tərəfdaşlıq gündəliyinin geniş spektrli məsələlərini müzakirə ediblər. Ötən il əldə edilmiş uğurlar, yeni tərəfdaşlıq gündəliyinin hazırlanması üzrə müzakirələr prosesi və qarşıda duran proqramlar qeyd edilib.