Avropa İttifaqı (Aİ) Ukraynanın ərazi bütövlüyünü pozduğu üçün Rusiyanın fiziki və hüquqi şəxlərinə qarşı məhdudlaşdırıcı tədbirlərin müddətini daha 6 ay uzadıb.
“Report” UNN-ə istinadən xəbər verir ki, məlumatı Avropa İttifaqı Şurası yayıb.
Bildirilib ki, sentyabrın 10-da Avropa İttifaqı Rusiyaya qarşı sanksiyanı 2022-ci il martın 15-dək uzadıb.
Məlumata görə, məhdudlaşdırıcı tədbir Rusiyanın 177 fiziki və 48 hüquqi şəxsinə şamil edilir.
Xatırladaq ki, Aİ Ukraynanın ərazi bütövlüyü, suverenliyi və müstəqillyini təhdid etdiyi üçün 2014-cü il martın 17-dən Rusiyaya qarşı sanksiya tətbiq edib.