Cəlilabadda Qarabağ müharibəsi şəhidinin xatirəsinə inşa edilən bulağın açılışı olub

Birinci Qarabağ müharibəsi şəhidi Eyvazov Mirzağa Oruc oğlunun xatirəsinə bulaq açılışı olub.

"Report"un Muğan bürosunun məlumatına görə,bulaq Cəlilabad rayonunun Qarazəncir kəndində tikilib. Açılış mərasimində rayon rəsmiləri, şəhidin yaxınları, ictimaiyyət nümayəndələri iştirak ediblər.

Qeyd edək ki, şəhid M. Eyvazov 1967-ci ildə Cəlilabad rayonunun Qarazəncir kəndində anadan olub. 1992-ci ildə Qarabağ döyüşləri zamanı şəhadətə yüksəlib.