Mustafa Şentop: “Qlobal iştirakçılar regional problemləri gərginləşdirirlər”

“Beynəlxalq təşkilatların zamanın tələbinə uyğun olaraq islahatlar həyata keçirməsi vacibdir”.

“Report”un xəbərinə görə, bunu Türkiyə Böyük Millət Məclisinin sədri Mustafa Şentop İqtisadi Əməkdaşlıq Təşkilatı Parlament Assambleyasının Bakıda keçirilən Üçüncü Ümumi Konfransında deyib.

Onun sözlərinə görə, İƏT-də əlaqələri güclü şəkildə inkişaf etdirmək vacibdir: “Qlobal iştirakçılar regional problemlərin həlli yolunu tapmırlar. Onlar problemləri gərginləşdirəcək qərarlar qəbul edirlər. Bu müdaxilələr heç bir ölkəyə sülh gətirməyib. Bizim bunlardan dərs çıxarmağımız vacibdir”.